Ministri i Brendshëm, Sandër Lleshaj, ka shkuar në Malësinë e Madhe, ku po zhvillon takime në zonë, një ditë pasi një prej punonjësve të policisë të komisariatit, u arrestua, pas publikimit të një video-skandali, ku shfaqej duke bërë akte të turpshme.
Lleshaj shoqërohet në këtë vizitë nga Kryebashkiaku i Malësisë së Madhe, dhe Drejtori i Policisë së Shkodrës.
Burimet bëjnë me dije se Lleshaj ka anulluar takimet me drejtuesit e policisë së Malësisë së Madhe, ndërsa ka zhvilluar takime me kreun e bashkisë, Tonin Marinaj, dhe Prefektin e Shkodrës.
Mësohet se ministri i Brendshëm është shprehur se po kërkojmë për denoncuesin, por nuk po e gjejmë atë.
“Po hetojmë për gjetjen e denoncuesit, por s’po e gjejmë. Pyetja që kemi është: kush është denoncuesi? Askush nuk ka denoncuar”, tha Lleshaj.
