Deputeti demokrat Bardh Spahia ka shprehur solidaritet me bluzat e bardha, një ditë pasi një mjek i QSUT-së, u dhunua në pavionin infektiv në Tiranë.
“Solidaritet me gjithë kolegët e punonjësit e shëndetësisë që punojne shpesh në kufij mbijetese për nga ngarkesa e kushtet e punës.
Dënoj me forcë dhunën e ushtruar në mënyrë kriminale ndaj kolegut infeksionist në krye të detyrës. Dhuna ndaj bluzave të bardha është e papranueshme e nuk ka justifikim!
Jam i ndërgjegjshëm që çdo ditë të semuret përballen me sorollatje, mungesa ilaçesh e shërbimesh në spitalet tona. Por në asnje moment këto mungesa nuk janë për faj të mjekëve, të cilët jane viktima e parë e mënyres sesi “Rilindja” menaxhoi shëndetësinë këto 5 vjet.
Ju dha prioritet PPP që mbushnin çdo ditë xhepat e oligarkëve duke varfëruar më shumë shqiptarët e spitalet publike ku shkojmë çdo ditë. Përgjegjës për këto kushte miserabel nuk janë mjekët por Ministria e Shëndetësisë. E sot si për ironi të fatit Ogerta del të lajë duart si Pillati”, shkruan Spahia.
