Ekipi i nënkryeministrit Erion Braçe ka humbur përballë Teutës në ndeshjen e luajtur në “Asllan Rusi”, për basketbollin për meshkuj.
Teuta fitoi me një diferencë prej 13 pikësh, ndërsa takimi u mbyll me rezultatin 79-92.
Braçe njihet si një prej tifozëve më të zjarrtë të ekipit të Partizanit, i cili në futboll kryeson kampionatin.
Një ditë më parë, nënkryeministri në rrjetet sociale postoi një mesazh, referuar fitores së Partizanit me Kastriotin.
“PARTIZANI MARSHON!
Të shtrydh, të lodh, të mposht,
FITON
Të gjithë super super,
nga Albani tek Trashi, Belica, Rexhepi, Atanda, Labi patjeter, Bruno, sa mire Kristi, Mala, Asani, Bardhi, Mensah, Hebaj, Duka etj.
Bravo cuna, bravooooooo!
Fuqi e Kuqe!
Tani në ndeshje por jashte garës;
Shihini pak bluzat e Kastriotit!
Kjo 138.com cfarë është?
Kompani guroresh? Apo cimentoje?
Nuk besoj!
Kaq për këtë here.
Ndërkohë më duhet të përsëris një mesazh:
kush e ka marrë lehtë ligjin për mbylljen e moslejimin e Lojrave të Fatit në këtë vend bën gabim të madh!
Po i bën dëm kolosal vetes!
Ndaleni reklamimin se sanksionet do jenë kostoja shtesë mes halleve që keni!”, shkruante Braçe në rrjet.
