Zgjidhje politike përmes zgjedhjeve të parakohshme dhe një qeverie tranzitore. Është ky propozimi i hedhur nga kreu i PDIU-së, Shpëtim Idrizi, gjatë një takimi me strukturat e partisë që drejton në Tiranë, për kapërcimin e krizës politike në vend.
Idrizi i ka drejtuar një apel qytetarëve që t’i bashkohen protestës së 16 shkurtit në Tiranë, duke theksuar se e vetmja rrugë për garantimin e zgjedhjeve të lira është qeveria tranzitore.
“Në Shqipëri duhet të kemi një zgjidhje politike që kalon nga zgjedhjet e parakohshme, me një qeveri tranzitore, e cila do të bëjë të mundur që shqiptarët për herë të parë të zgjedhin. Kjo është arsyeja që unë ju ftoj të gjithëve, simpatizantë të PDIU-së dhe çdo shqiptar, që të bashkohen në protestën e opozitës më 16 shkurt”, tha Idrizi.
