Pas një shkrimi të publikuar nga Boldnews.al ka reaguar operatori i shpërndarjes së energjisë.
Në një sqarim për mediat OSHE thotë se investimi prej 135 milionë lekësh nuk përfshin vetëm posterat.
Ja sqarimi i OSHE:
Sistem elektronik për menaxhimin dhe modernizimin e KNK-ve
Më kuadër të investimeve të shumta në rrjetin e shpërndarjes së energjisë elektrike, për rritjen e cilësisë së furnziimit, OSHEE po i kushton vëmendje edhe përmirësimit të shërbimit ndaj abonentëve, duke investuar në qendrat e Kujdesit ndaj Klientit (KNK).
Për të shpejtuar, monitoruar dhe ndjekur në çdo kohë, online, të gjithë procesin e paraqitjes së kërkesës/ankesës nga abonenti, deri në zgjidhjen e saj, OSHEE po investon në vendosjen e një sistemi modern elektronik, model ky që shoqërohet edhe me riorganizimin e strukturës së KNK, përfshi këtu deri në arredimin, vendosjen e sportelit të arkës, pritjes së abonentit, kioskes elektronike për numrin e rradhës, deri te njoftimet, logot, me TV, postera, etj. (model ky që zbatohet prej vitesh nga bankat apo sportelet e QKR-së)
Pra, investimi nuk përfshin vetëm posterat, të cilat janë vetëm një pjesë e vogël e ndryshimit rrënjësor të 14 qendrave kryesore të Kujdesit ndaj Klientit, por të gjithë procesin që synon ofrimin e shërbimit model dhe dinjitoz për abonentët e OSHEE.
Ja shkrimi i Boldnews.al për tenderin:
Tenderi për postera/ OSHEE, 135 milionë lekë vetëm për imazhin
