Ish -kryeministri Berisha ka bërë një deklaratë të fortë në parlament duke thënë se kryeministri Edi Rama e ka ndryshuar emrin e tij për shkak të problemeve që ka patur me drejtësinë spanjolle.
Sipas Berishës, ndryshimi ka ardhur për shkak të një dosje që Rama ka në Spanjë, si pasojë “e një krimi të tmerrshëm që ka ndodhur në një hotel të këtij vendi”.
Vetë kreu i qeverisë ka pranuar se e ka ndryshuar emrin nga Edvin në Edi në formularin e vetëdeklarimit në bazë të ligjit të dekriminalizimit.
Berisha kërkoi që Rama të vijë në parlament dhe të shpjegojë përse e ka ndryshuar emrin. Por deputeti Taulant Balla reagoi ashpër në mbrojtje të Ramës dhe kërkoi 5 minuta pushim, çka çoi në ndërprerjen e seancës.
