Erion Veliaj vazhdon të kopjojë idhujt e tij, Edi Ramën dhe Barak Obamën. Këtë të fundit e kopjon në fotografitë. Përshembull, nëse Obama u servir ushqim të varfërve, pas disa muajsh e realizon edhe Veliaj, gjë që ka ndodhur, e faktuar edhe me fotografi. Faktet kanë treguar se Veliaj e ka kopjuar Presidentin e SHBA-ve edhe në një foto duke lëvizur divanin, ku Obama e lëviz në Shtëpinë e Bardhë, ndërsa Veliaj në Bashkinë e Tiranës.
Ndërkohë, gjatë kësaj kohe, Veliaj është përfolur se mund të jetë një nga pasuesit e Edi Ramës. Të dy vijnë nga emigracioni, ndërsa edhe Rama ka drejtuar Bashkinë e Tiranës më pas. Aspiratat e tij mund të jenë të mëdha, po le t’ia lëmë kohës diçka të tillë.
Bold News ka siguruar disa dokumente që flasin se Veliaj ka kopjuar edhe modelin Rama, pikërisht me lyerjen e fasadave. Gjithkush e mban mend se gjatë erës Rama në Bashki, ai e kishte fiksim lyerjen e fasadave, ndërsa rrugicat i linte e baltë apo me gropa. Një gjë e tillë po ndodh edhe gjatë qeverisjes së Tiranës nga Erion Veliaj. Disa ditë më parë, Bold News publikoi disa rrugica në Tiranë, që ishin lënë në mëshirë të fatit. Pavarësisht se në kryeqytet janë investuar miliarda lekë në infrastrukturë, disa rrugë janë katandisur si mos më keq dhe askush nuk vë dorë.
Duke u ndalur tek fasada, Bashkia e Tiranës ka hapur një procedurë për “shërbim konsulence”. Objekti i prokurimit është studim projektimi i nëntë objekteve të infrastrukturës rrugore në Tiranë për vitin 2016. Një nga lotet e këtij tenderi është “rehabilitimi i fasadave në hyrje të rrugës ‘Medar Shtylla’”.
Sipas dokumenteve, rezulton se bashkia kërkon të shpenzojë rreth 45 milionë lekë të vjetra për fasadat. “Objektet ndodhen në fillim të rrugës Medar Shtylla. Godinat janë ndërtuar para viteve 1990. Stili i ndërtimit është i llojit Italian. Godinat janë 2 kat dhe mbulesa është me çati. Gjatë viteve të fundit këto objekte janë degraduar dhe kanë probleme në fasada. Çatitë janë të prishura dhe pjesërisht janë zëvendësuar nga banorët me llamarinë. Fasadat e kanë humbur identitetin e tyre pasi në to janë bërë ndryshime me çarje të reja. Duke bërë ndërhyrjet në fasadë dhe çati në këto godina, ne i japim një vlerë të re këtyre objekteve” thotë Bashkia.
Sipas saj objekt i projektit do të jetë rikonstruksion i pjesshëm i godinave, rikonstruksion i fasadave, rikonstruksion i çatisë. Projektuesi duhet të kryeje të gjithë punën në përputhje me standardet e projektimit dhe ndërtimit që janë në fuqi në Shqipëri.
Bashkia thotë se projektuesi duhet të japë të gjitha detajet për vendosjen e kasetës së shkarkimit dhe ullukët vertikalë si dhe detaje të tjera të domosdoshme për zbatimin e punimeve. Gjithashtu duhet të tregojë skemën e kullimit me pjerrësitë, numrin e ulluqeve dhe diametrat e tyre sipas normave në fuqi. Për sasitë e reshjeve do të përdoren të dhënat e Institutit Hidrometeorologjik.
Rehabilitimi i fasadave ne rr. medar shtylla
Fasada e godinave, tё jetë e tillё qё tё mirёmbahet lehtё, tё evitohen sipërfaqet e mëdha tё xhamit atje ku ёshtё e mundur, kurse ngjyrat e fasadës të jenë të bukura, në mënyre që objekti të bëhet më atraktive për qytetarët. Konsulenti do të japë të gjitha detajet e përforcimit të muraturës mbajtëse në rastin kur ajo paraqitet me probleme. Në rast të mureve me çarje, konsulenti do të tregojë mënyrën e riparimit/konsolidimit të tyre.
Formular i Njoftimit te Kontrates
(Boldnews)
