Masa të larta sigurie janë ndërmarrë në Gjykatën e Krimeve të Rënda ditën e sotme, pasi do të gjykohen dy çështje kryesore “Xhihadistët” dhe “Shullazi”.
Sot do të merret masa e sigurisë për Emiljano Shullazin dhe dy bashkëpunëtorët e tij si dhe seanca e dytë e mbrojtjes së xhihadistëve pas pretencës së dhënë seancën e kaluar.
Pasi një pjesë e të pandehurve të bëjnë mbrojtjen, gjykata do të tërhiqet për të shpallur vendimin për xhihadistët.
Mësohet se ambjentet e Gjykatës po kontrollen me qen antieksploziv, ndërsa ka forca të shtuara policore.
Reparti ‘Shqiponja’ do të jetë në gatishmëri deri në përfundim të dy proceseve gjyqësore.
