Shqipëria është renditur së fundi, si vendi i fundit në rajon, edhe nga Indeksi Gjerman i Transformimit (Bertelsmann Stiftung). Një vlerësim negativ pas atyre që janë bërë muajt e fundit nga institucione e organizma prestigjozë ndërkombëtarë në fusha të ndryshme, përsa i përket zhvillimit ekonomik dhe demokracisë.
Ky indeks analizon dhe vlerëson ekonominë, cilësinë e demokracisë dhe menaxhimin politik. Pjesë e indeksit janë 129 vende në botë. Shqipëria ka 6.7 pikë. Nga të dhënat rezulton se vendi ka përmirësuar garantimin e demokracisë, por ka treguar shumë pak përparim në zhvilli, uljen e pabarazisë dhe të papunësisë. Papunësia tek të rinjtë shihet më problematike, pasi ka arritur në 30 %, dy herë më shumë se mestarja europiane.
Por a është Indeksi Gjerman i Transformimit që e rendit Shqipërinë të fundit në rajon përsa i përket ekonomisë, cilësisë së jetës dhe demokracisë?
Dhoma Gjermane e Tregtisë dhe Industrisë publikoi një anketim më 12 prill të këtij viti, të bërë në qindra biznese gjermane. Pjesa dërrmuese e tyre e shohin Shqipërinë si destinacionin e fundit ku do të investonin sërish. 56 % e bizneseve gjermane e shohin situatën ekonomike në Shqipëri si negative.
Më 24 mars Shqipëria u rendit në fund të listës së Indeksit Global të Financave, përsa i përket konsumit të brendshëm, duke lënë pas vetëm Bosnjën. Majet bëhen në bazë të Prodhimit të Brendshëm Bruto dhe shpërndarjes së tij për cdo banor. Indeksi Global i Financave vlerëson se mënyra më e mirë për të përcaktuar varfërinë në një vend është fuqia blerëse. Sipas INSTAT, për vitin 2015, fuqia blerëse ishte negative për herë të parë prej 6 vjetësh.
Katë muaj më parë, një raport i OKB për nivelin e jetesës e rendiste Shqipërinë të fundit në rajon, në vendin e 85, në një nivel me Bosnjen.
Më 27 janar, organizata ndërkombëtare Transparency International publikoi “Treguesin e Perceptimit të Korrupsionit për vitin 2015”, në të cilin janë përfshirë 168 vende të botës. Shqipëria mbetej e fundit në rajon, së bashku me Kosovën, në vendin e 88.
Më 2 janar të këtij viti, revista Forbes, në raportin e saj “vendet më të mira për biznes” i e rendiste Shqipërinë të fundit në rajon përsa. Sipas Forbes, se Shqipëria është në vendin e 69, në të njëjtin nivel si Ruanda e Zamibia.
Në nëntor 2015, Shqipëria renditej vendi i fundit në rajon përsa i përket kreditimit të biznesit.
Në prill të këtij viti, reditej sërish e fundit në rajon përsa i përket pensioneve, pasi konsiderohet si vend me diferenca të mëdha përsa i përket sistemit të pensioneve, si në vlerë mesatare ashtu edhe në shkallën e mbulimit.
Së fundi, Departamenti Amerikan i Shtetit, në raportin për të drejtat e njeriut, vlerësonte se Shqipëria mbetet një vend me nivel korrupsioni të lartë. DASH nuk bën krahasime në raportet e tij, por shkruante qartë se në Shqipëri, korrupsioni është i përhapur në të gjitha degët e qeverisë. /Lapsi.al
