Dy shpërthime gjatë natës së kaluar kanë rikthyer terrorin r tritolit.. Edhe pse dy ngjarjet qartazi nuk kanë lidhje me njëra-tjetrën, 2 shpërthime në një natë duke pasur parasysh edhe situatat në javët e kaluara, tregojnë se tritoli në duart e keqbërësve është akoma me shumicë
Shpërthim tritoli në makinën e gruas së një pronari mobilierie tek “Komuna e Parisit”
Zbardhen detaje të reja në lidhje me shpërthimin e ndodhur tek “Komuna e Parisit” të ndodhur rreth orës 01:10 minuta te mengjesit te sotem.
Burime nga policia kanë bërë të ditur se një sasi lënde eksplozive ishte vendosur në makinë tip Ford Focus me targa AA 234 HN.
Makina është në pronësinë e një gruaja, bashkëshortja e pronarit të mobilerisë ku ka ndodhur edhe shpërthimi. Policia ka nisur hetimet për zbardhjen e shkaqeve.
Ngjarja është mësuar nga dëshmitarë në vendin e ngjarjes të cilët kanë thënë se ngjarja ka ndodhur mes stadiumit “Dinamo” dhe Komunës së Parisit.
Ata janë shprehur se shpërthimi ka qenë shumë i fuqishëm, duke tronditur të gjithë zonën në hyrje të lagjes së Komunës së Parisit.
Në vendin e ngjarjes kanë mbërritur forca të shumta policie. Mësohet se lënda shpërthyese ishte vendosur në një makinë tip “Ford” ndërsa nuk ka pasur dëme në njerëz, por vetëm materiale.
Tjetër shpërthim eksplozivi, këtë herë në Sarandë
Një tjetër shpërthim me eksploziv ka ndodhur mesnatën e sotme. Burime nga policia thanë se këtë herë shpërthimi i fuqishëm ka ndodhur në qytetin bregdetar të Sarandës në lagjen numër 1.
Nuk ka shumë informacione në lidhje me këtë ngjarje, që mësohet se ka ndodhur në orën 01:50 minuta pas mesnate.
Në vendin e ngjarjes kanë shkuar forca të shumta policie që kanë nisur hetimet për ngjarjen e rëndë, e dyta brenda 1 ore në vend.
