Emiliano Mrishaj, nipi i Tom Doshit, ka qenë brenda në makinë së bashku me djalin e deputetit në momentin kur një efektiv i policisë rrugore e ka ndaluar makinën e tij.
Ky veprim ka bërë që i riu, 27 vjeç të zbresë nga makina dhe ta qëllojë me grusht policin.
Ndërkohë është bërë e mundur dhe arrestimi i tij si dhe shoqërimi në polici i djalit të deputetit Doshi.
Sipas njoftimit të policisë, i arrestuari është Emiliano Mrishaj, 27 vjeç banues në Shkodër. Arrestimi i tij u bë pasi ai ka goditur me grushte për shkak të detyrës policin rrugor G.B. 35 vjeç, banues në Tiranë. Mësohet se Polici e kishte ndalur të riun, por ky i fundit nuk e ka pritur mirë ndalesën dhe ka dalë nga mjeti dhe ka sulmuar policin rrugor.
