Protesta e 30-të kundër qeverisë vijon në Tiranë, ndërsa qytetarët dhe organizatorët kanë përsëritur kërkesën e tyre për dorëheqjen e kryeministrit Edi Rama dhe qeverisë së tij.
Aktivisti Arben Kola u shpreh se në protestën e sotme do të marrin pjesë edhe katër eurodeputetë nga vende të ndryshme të Europës.
“Edhe për fjalimet kërkojmë mirëkuptimin tuaj, pasi do të kemi edhe katër eurodeputetë që janë shtuar. Ata vijnë nga Holanda, Gjermania dhe Italia. Në të ardhmen do të kemi edhe senatorë dhe kongresmenë amerikanë”, tha Kola.
Ai shtoi se çdo mbështetje që, sipas tij, kontribuon në largimin e kryeministrit dhe qeverisë është e mirëpritur.
“Sot, edhe për fjalimet kërkojmë mirëkuptimin tuaj, pasi do të kemi edhe katër eurodeputetë që janë shtuar. Ata vijnë nga Holanda, Gjermania dhe Italia. Në të ardhmen do të kemi edhe senatorë dhe kongresmenë amerikanë. Kështu që kushdo që kontribuon për heqjen e Edi Ramës dhe të qeverisë së narkoshtetit është i mirëpritur. Dorëheqje!”, tha ai.
