Një aksident i rëndë është regjistruar në superstradën Lezhë-Milot, pranë fshatit Gajush, ku janë përplasur tre automjete.
Si pasojë e përplasjes, tre persona, mes tyre edhe një grua, kanë mbetur të plagosur dhe janë transportuar me urgjencë në Spitalin Rajonal të Lezhës për të marrë ndihmën e nevojshme mjekësore.
Në vendngjarje kanë mbërritur shërbimet e Policisë dhe grupi hetimor, të cilët kanë kryer veprimet e para dhe po punojnë për të përcaktuar shkaqet dhe rrethanat e aksidentit.
Ndërkohë, hetimet për zbardhjen e plotë të ngjarjes vijojnë.
