Një aksident ka ndodhur këtë mesditë në hyrje të qytetit të Elbasanit.
Sipas raportimeve një autobus që transportonte nxënës shkolle gjatë një manovrimi të gabuar në lëvizje, u përplas me një automjet tjetër që po qarkullonte në të njëjtën zonë.
Më pas autobusi është përplasur me tabelën e një karburanti, duke e dëmtuar atë dhe duke përfunduar pranë ambientit të pikës së furnizimit me karburant.
Përplasja shkaktoi momente paniku tek nxënësit dhe drejtuesit e mjeteve, ndërsa kalimtarë të rastit u afruan menjëherë për të ndihmuar.
Fatmirësisht, pavarësisht frikës dhe tensionit të krijuar, nuk raportohet për persona të lënduar.
