Ka përfunduar procesi i votimit të zgjedhjeve për kreun e PD-së, ku në garë ishte vetëm Sali Berisha.
87 qendrat e votimit në gjithë vendin janë mbyllur, ndërsa janë publikuar dhe rezultatet e para në disa qytete.
Në Lushnje, sipas rezultateve të numërimit, 550 anëtarë kanë votuar pro kandidaturës së Berishës, ndërsa 26 vota kanë qenë kundër. Gjithashtu janë regjistruar 10 abstenime dhe 6 fletë votimi të pavlefshme.
Në Maliq, 724 vota janë pro Sali Berishës, 7 kundër dhe 4 të pavlefshme.
Në Pustec, vetëm çereku i votuesve kanë hedhur një votë në referendumin për Berishën. Nga 66 votues aktivë, janë paraqitur në degë vetëm 15 prej tyre. Berisha ka marrë 13 vota pro, 1 abstenim kurse një votë ka dalë e pavlefshme.
Në Këlcyrë, nga 232 votues, 205 kanë votuar pro Berishës. 16 prej tyre kundër, ndërsa ka pasur 10 abstenime dhe 1 votë të pavlefshme.
Në Përmet, nga 400 votues të PD, vetëm 228 prej tyre morën pjesë në referendum. 217 prej tyre kanë votuar pro, 9 kundër dhe 2 kanë abstenuar.
Në Kolonjë, 213 pro janë pro Berishës dhe 4 abstenim.
Në Korçë, 392 vota janë pro, 18 kundër, 7 abstenim si dhe 18 te pavlefshme
Në Gramsh, nga 694 votues në total, në votim kanë marrë pjesë 248 anëtarë. Nga votat e numëruara, 215 kanë qenë pro Sali Berishës, 22 kundër dhe 3 abstenime.
Në Devoll, 648 anëtarë kanë votuar pro Berishës, 29 kundër, 15 kanë abstenuar dhe 3 fletë votimi janë shpallur të pavlefshme.
Në Pogradec 295 vota janë pro Berishës, 19 vota kundër dhe 10 abstenime.
Në Elbasan, Berisha ka marrë 1120 vota nga 1181 në total. 33 votues janë shprehur kundër, 12 kanë abstenuar ndërsa 16 janë të pavlefshme.
Ndërsa në degën nr. 8 të PD në Tiranë numri i zgjedhësve është pakësuar dyfish. Nga 1741 votues, janë paraqitur 669 prej tyre për të shprehur vullnetin për votëbesimin e Berishës.
Nga 654 vota të vlefshme, 607 vota janë regjistruar pro, 31 kundër dhe 16 abstenim.
Ndërkohë numërimi në qendrat e tjera të votimit vijon ende.
