Prokuroria e Posaçme Kundër Korrupsionit dhe Krimit të Organizuar (SPAK), ka ndërmarrë një operacion të gjerë kundër trafikut të drogës në vend.
Sipas raportimeve në media, prokuroria ka lëshuar 11 urdhër-arreste, mes të cilëve edhe për Jetmir Pepën, pronar i kompanisë “Pepa Group”.
Mësohet se urdhër-arresti për Jetmir Pepën nuk është ekzekutuar, pasi ai ndodhet jashtë vendit.
Burime bëjnë me dije se urdhër arrestet janë lëshuar nga prokurori Alfred Shehu, ndërsa operacioni është shoqëruar me arrestime dhe kontrolle.
Operacioni është ende në vazhdim dhe detaje të reja pritet të dalin në vijim.
