Kryeministri Edi Rama ka deklaruar në një deklaratë për media se çështja e origjinës së pronës në Zvërnec do të hetohet nga SPAK.
Ai theksoi se SPAK ka vendosur të ngrijë fondet, pa i lënë të kalojnë tek shitësi, derisa të përfundojë hetimi.
Sipas Ramës, kjo është një garanci për të gjithë ata që pretendojnë pronë në atë territor, pasi rezultati do të jetë i padiskutueshëm nga pikëpamja ligjore.
“SPAK ka vendosur të ngrijë fondet pa i lënë të kalojë tek shitësi, ka një proces hetimor dhe kjo është shumë pozitive edhe për këdo që pretendon pronë në atë territor, sepse çështja e origjinës së pronës do mbulohet nga një hetim i pavarur dhe profesional përmes SPAK.
Në të dyja rastet rezultati do jetë i padiskutueshëm nga pikëpamja ligjore ndërsa për pretendimet do ti japë fund çdo spekulimi që nuk është bazuar në ligj.
Në rast se shitësi ka orgjinën legjitime të pronës do marrë paratë, në rast se jo paratë do i mbete republikës së Shqipërisë, dhe do provojë cilindo që do pretendojë se pretendimin mbi pronën e ka,. Merret fund këtu pretendimi ia tyre që janë të sinqertë dhe ata që kanë kurdisjen e tyre me duar të tjera nga mbrapa”.
