Presidenti i Turqisë, Rexhep Tajip Erdogan, zhvilloi një bisedë telefonike me presidentin e SHBA-së, Donald Trump, ku në fokus ishte situata e tensionuar me Iranin dhe përpjekjet për të ruajtur armëpushimin.
Sipas Presidencës turke, Erdogan theksoi rëndësinë e shfrytëzimit të një periudhe dyjavore si një mundësi për të shmangur përshkallëzimin e ri të konfliktit dhe për të hedhur hapa drejt një paqeje të qëndrueshme.
Gjatë bisedës, dy liderët analizuan zhvillimet më të fundit në rajon, me theks të veçantë te armëpushimi i shpallur gjatë natës në lidhje me Iranin. Erdogan shprehu kënaqësinë për këtë zhvillim, duke nënvizuar se pas javëve të tensioneve intensive, kjo periudhë duhet shfrytëzuar maksimalisht për arritjen e një marrëveshjeje afatgjatë.
Ai paralajmëroi gjithashtu kundër çdo përpjekjeje që mund të dëmtojë procesin e paqes, ndërsa theksoi se Turqia do të vijojë të mbështesë përpjekjet diplomatike në bashkëpunim me vendet mike dhe aleate, përfshirë Pakistanin, me synim zgjidhjen e konfliktit.
🇹🇷🇺🇸 Erdogan, Trump discuss Iran ceasefire and regional developments in phone call, Turkish Presidency says
📌 Turkish president welcomes ceasefire, urges using two-week window after 40-day crisis to secure lasting peace, warns against sabotage
📌 Says Türkiye will continue and… pic.twitter.com/G6svYlWzyW
— Anadolu English (@anadoluagency) April 8, 2026
