Në fshatin Halil, njësia administrative Fushë-Krujë, i njohur ndryshe si Albanopolis, është shënuar një problem serioz që po shqetëson banorët.
Pranë shkollës 9-vjeçare të fshatit, vetëm pak metra larg rrugës që të çon drejt Kalasë së Albanopolisit, është krijuar një pirg i madh me mbeturina.
Denoncimin publik e ka bërë aktivisti Aulon Kalaja, i cili me anë të një videoje thotë se gjendje është e papranueshme dhe përbën rrezik të madh për shëndetin e nxënësve që kalojnë çdo ditë pranë mbeturinave.
Ai ka kërkuar ndërhyrje urgjente nga autoritetet për pastrimin e territorit dhe për një zgjidhje afatgjatë të menaxhimit të mbetjeve.
“Ndodhem në fshatin Halil, njësia administrative Fushë-Krujë, Bashkia Krujë. Ky fshat njhet ndryshe edhe si Albanopolis, vëndi ku ne kemi marrë emrin Albania.
Por qëndra e Halilit, siç e shikojmë kjo është rruga me asfaltin në këtë krah, pra rruga që të çon në Kalanë e Albanopolosit dhe në pjesën tjetër është kjo shkollë 9-vjeçare, ndodhet një pirg me plehra. Sot ëhstë ditë me fat pasi janë pastruar plehrat në këtë lloj mënyre.
Ka ardhur fadroma dhe I ka shtyrë plehrat në këtë përrua që kam pas shpinës sime, ndërkohë nuk është marrë asnjë masë për pastrimin e këtyre mbeturinave.
Është e papranueshme se si trajtohen në këtë mënyrë këta banorë të kësaj zone. Është një vatër sëmundjeje, epidemish sepse nxënësit e shkollës pasi dalin nga mësimi lëvizin në këtë territor.” thotë Kalaja.
