Policia e Tiranës ka vënë në pranga një 56-vjeçar, pasi dyshohet se ka shkaktuar një aksident me pasojë vdekjen në zonën e Dajtit.
Sipas njoftimit zyrtar, ngjarja ka ndodhur gjatë punës në një subjekt gurore, ku I. Ç., duke manovruar mbrapsht me fadromë, ka përplasur shtetasin A. Xh., 43 vjeç.
Për shkak të goditjes, viktima ka humbur jetën në vend.
Specialistët për Hetimin e Krimeve të Komisariatit të Policisë Nr. 4 kanë arrestuar 56-vjeçarin, duke e akuzuar për veprën penale “Shkelja e rregullave të mbrojtjes në punë”.
