SHBA-të kanë përgjuar komunikime të koduara që besohet se e kanë origjinën në Iran, të cilat mund të shërbejnë si një “katalizator operacional” për “agjentët e fjetur” jashtë vendit, sipas një paralajmërimi të qeverisë federale.
Qelizat e fjetura janë grupe të fshehta që kanë tendencë të qëndrojnë joaktive derisa të urdhërohen të kryejnë spiunazhi ose aktivitete terroriste.
Sipas rrjetit amerikan Abc Neës, besohet se transmetimet e përgjuara ishin të koduara dhe të destinuara për “marrës klandestinë” pa internet ose qasje në rrjetet mobile. Komunikimet mendohet se kanë origjinën në Iran.
“Ndërsa përmbajtja e saktë e këtyre transmetimeve nuk mund të përcaktohet aktualisht, shfaqja e papritur e një stacioni të ri me karakteristika të ritransmetimit ndërkombëtar kërkon ndërgjegjësim më të lartë të situatës.”, thuhet në mesazhin e inteligjencës amerikane.
Nëse përmbajtja e alarmit rezulton e vërtetë, kjo do të konfirmonte frikën e shprehur nga zyrtarët e zbatimit të ligjit pasi SHBA-të dhe Izraeli goditën Iranin, se “qelizat e fjetura” të vendosura në të gjithë Perëndimin mund të përdoren për hakmarrje.
