Kryetari i PD, Sali Berisha ka reagur pas mbrojtjes që Edi Rama i bëri Belinda Ballukut dhe Mirlinda Karçanajt gjatë mbledhjes së grupit të PS, teksa dy zyrtaret e PS, hetohen nga SPAK.
Në një video-mesazh të shpërndarë në rrjetet sociale, Berisha tha se Edi Rama sulmoi në mënyrën më të verbër drejtësinë, teksa gjithçka vërtitet rreth kryeministrit.
Sipas liderit demokrat, Rama është në rreth të kuq, ndërsa në fjalimin e tij, mashtroi në mënyrën më të paskrupullt shqiptarët.
Sipas Berishës, ‘Rama në ekspozenë e tij bëri avokatinë e AKSHI-t. Fjalimi i tij përqendrohej tek integriteti i lartë i Mirlindës së AKSHI-t, duke e paraqitur atë se banon në një pallat me qira e s’di t’i japë makinës. Linda e AKSHI-t, është prestanoma e gjysmës më të mirë të Edi Ramës, Linda Rama’.
Kopshti privat kishte një kopshtar, teksa iu referuar drejtpërdrejt kryeministrit Edi Rama, i cili sipas tij, u bë shkak të sulmonte Prokurorinë, pasi në dosje rezulton bashkëshortja, Linda Rama.
