Kreu i Partia Demokratike e Shqipërisë, Sali Berisha, në fjalën e tij para Kryeministrisë komentoi protestën e 20 shkurtit dhe situatën aktuale politike në vend.
Berisha akuzoi sërish kryeministrin Edi Rama dhe qeverinë, duke i cilësuar si përgjegjës për situatën ekonomike dhe politike në vend.
Ai shtoi se organizata kriminale e kryesuar nga Rama meriton shekuj e shekuj burg dhe dënime.
Berisha: Misionarë të pamposhtur të qëndresë ndaj një regjimi që vjedh varfëron poshtëron përzë nga Shqipëria, çdo orë çdo ditë qytetarët e këtij vendi. Nuk ka vendim më fisnik nuk ka ideal më të lartë se sa beteja kundër këtij regjimi që ka ngërthyer trupin e Shqipërisë. Kryengritja paqësore më e fuqishme që ka njohur Shqipëria pas 20 shkurtit 1991.
Ishte dita e triumfit tuaj. Të guximit qytetarë, triumfit të përgjegjësisë së qytetarëve ndaj vendit dhe kombit. Tirana e tërë ishte në duart e qytetarëve, që tmerroi këtë klikë organizatë kriminale e kryesuar nga Edi Rama. Në krimet e saj meriton shekuj shekuj shekuj burg dhe dënime.
