Një 49-vjeçare është arrestuar nga Policia në Tiranë, pasi dyshohet se ushtronte aktivitetin e këmbimit valutor pa licencën përkatëse dhe fshihte të ardhurat e përfituara nga ky aktivitet.
Sipas Policisë, në pranga është vënë shtetasja me iniciale, G.T, pasi gjatë kontrollit të ushtruar në subjektin që administronte u konstatua se kryente aktivitet këmbimi valutor pa qenë e pajisur me licencën përkatëse, si dhe nuk deklaronte të ardhurat e realizuara.
Në cilësinë e provës materiale u sekuestruan rreth 40 000 euro në valuta të ndryshme, si dhe një njësi kompjuterike. Sipas Policisë, në të dhënat elektronike rezulton se subjekti kishte qarkulluar rreth 2 000 000 euro.
Materialet procedurale i janë referuar Prokurorisë për veprime të mëtejshme.
