Shtetet e Bashkuara të Amerikës kanë përcjellë një tjetër mesazh në drejtim të Shqipërisë sa i takon luftës kundër krimit të organizuar dhe zbatimin e ligjit.
Në një njoftim zyrtar, Ambasada bën me dije se zyrtari i DASH, Mark Tervakoski, ka takuar presidentin Bajram Begaj, prokurorë të SPAK dhe zyrtarë të policisë, ndërsa ka theksuar angazhimin në luftën kundër krimit të organizuar dhe fushën e zbatimit të ligjit.
“Duke shfaqur forcën e partneritetit në fushën e zbatimit të ligjit mes Shteteve të Bashkuara dhe Shqipërisë dhe luftën e palodhur të Administratës Trump kundër krimit të organizuar ndërkombëtar dhe trafikimit të narkotikëve, Drejtori i Zyrës për Europën dhe Azinë i Byrosë së Çështjeve Ndërkombëtare të Narkotikëve dhe Zbatimit të Ligjit të Departamentit të Shtetit, Mark Tervakoski, u takua me përfaqësues të zbatimit të ligjit, drejtësisë, shoqërisë civile dhe misioneve ndërkombëtare në Shqipëri.
Shtetet e Bashkuara janë të përqendruara në ofrimin e aftësive, mjeteve dhe bashkëpunimit në Shqipëri dhe në rang global për partnerët që ndajnë angazhimin tonë për të luftuar kriminelët që dëmtojnë qytetarët e vendeve tona, kërcënojnë kufijtë tanë dhe cenojnë sigurinë tonë kombëtare” thuhet në njoftimin e Ambasadës amerikane”,– thuhet në njoftimin e Ambasadës.
Këto takime dhe mesazhe vijnë në një kohë kur qeveria e Edi Ramës është e mbuluar nga skandalet korruptive dhe aferat.
Edhe një ditë më parë Ambasada amerikane pati një reagim mbi deklaratat e Edi Ramës i cili paralajmëroi ndryshime në legjislacion për mbrojtjen e Ballukut.
Ambasada bëri thirrje të respektohet pavarësia e gjyqësorit, ndërsa shprehet se kjo e fundit është thelbësore në bashkëpunimin mes dy vendeve.
LEXO EDHE:
Ndërhyrja në drejtësi pengon integrimin? Ramës nuk i plas fare
