Presidenti rus Vladimir Putin ka marrë një ftesë për t’u bashkuar me Bordin e Paqes në Gaza dhe kjo mundësi po shqyrtohet, u tha gazetarëve zëdhënësi i Kremlinit Dmitry Peskov. Sipas tij, presidenti Putin ka marrë një ftesë përmes kanaleve diplomatike për t’u bashkuar me këtë Bord të Paqes.
“Aktualisht po studiojmë të gjitha detajet e këtij propozimi. Shpresojmë të kontaktojmë palën amerikane për të sqaruar të gjitha detajet”, tha Peskov.
Në Shqipëri, kjo ftesë u shit nga Edi Rama si një arritje e madhe! Ai tentoi të krijoi idenë se vendi ynë tashmë ka një peshë të rëndësishme në politikën globale, falë edhe lidershipit të kryeministrit socialist, por shumë shpejt ky mashtrim i tij doli zbuluar.
Më parë, zëdhënësi i Presidentit Kazakistan Kassym-Jomart Tokayev tha se udhëheqësi amerikan Donald Trump e kishte ftuar homologun e tij kazak të bashkohej me Bordin e Paqes për menaxhimin e Rripit të Gazës dhe se Kazakistani do të bëhej një nga shtetet themeluese.
Saka, është raportuar se udhëheqësit e disa vendeve të tjera kanë marrë oferta nga SHBA-të për t’u bashkuar me këtë organ. Këshilli pritet të fillojë punën gjatë fazës së dytë të planit të paqes, për të cilin u ra dakord nga Izraeli dhe lëvizja palestineze Hamas në tetor 2025, me ndërmjetësimin e Egjiptit, Katarit, SHBA-së dhe Turqisë.
LEXO EDHE:
Pas Ramës, edhe kryetari komunist i Vietnamit, To Lam, pranon ftesën e Trump për “Bordin e Paqes”
