Partia Demokratike ka dalë sërish në protestë para kryeministrisë për të kundërshtuar qeverinë.
Kreu i PD-së, Sali Berisha, në fjalën e tij u shpreh se Edi Rama po sfidon shqiptarët duke qëndruar në pushtet dhe duke mbrojtur zëvendëskryeministren Belinda Balluku.
Berisha akuzoi kryeministrin se po “poshtëron shqiptarët” duke nxjerrë përballë tyre ministren që sipas tij është simbol i abuzimit me pushtetin.
“Ai me një akt të papërgjegjshëm sfidon dhe poshtëron shqiptarët duke u nxjerrë maskën e tij. Lubinë, për t’u thënë atyre se ne nuk pyesim për ju. Por ne u themi në emër tuaj, Ed Rama edhe ne nuk do të pyesin për ju dhe do të kesh fatin që meriton.
Opozita shqiptare ka vendosur të thërrasë një protestë më 24 janar, në të cilën t’i japim mesazhet e qarta për Ramën, hiq dorë nga grushti i shtetit. Prano ligjin dhe kushtetutën përndryshe do të të nxjerrim ne jashtë ligjit dhe kushtetutës.
Ndaj edhe ftoj qytetarët më 24 të gjithë në këtë shesh për të treguar fuqinë e bashkimit të shqiptarëve, e guximit, vizionin dhe shpirtin e pamposhtur të popullit opozitar.
Këto ditë që na ndajnë janë etike që secili prej nesh të ulet rrafsh e të bisedojë me qytetarët pavarësisht nga bindjet e tyre.”, tha Berisha.
