Edi Rama, teksa komentoi dosjen e SPAK për Belinda Ballukun, tha se “mesazhet e dala në media nuk mund të jenë prova”.
Rama, emri i të cilit ka dalë disa herë në “biseda-pazare”, deklaroi se këto mesazhe janë pjesë e procesit, por sipas tij nuk mund të shërbejnë si prova.
Lideri i kthyer në avokat së fundmi për tre Lindat e tij, teksa shpreson për pafajësi për personat e përfshirë në dosje, shprehet se: “Për çfarë i duhet pafajësia, kush ia kthen prapësht jetën. Prandaj drejtësia demokratike ka vendosur kufij”.
“Që kur mesazhet janë prova?! Dhe që kur mesazhet janë ushqim për mediat dhe që kur mbi bazë mesazhesh bëhen gjyqesh si në kohën e gjuetisë së shtrigave. Mesazhet dhe cdo gjë tjetër që lidhet kush tha çfarë tha janë pjesë e procesit, nuk e përjashtoj unë këtë. Por parapërfytyroni çfarë ndodh dhe sa përgjegjësi ka secili nga pjesëmarrësit në këto gjyqet e shtrigave kur dikush të dalë i pafajshëm. Për çfarë i duhet pafajësia, kush ia kthen prapësht jetën. Prandaj drejtësia demokratike ka vendosur kufij. Prandaj në drejtësinë demokratike nuk lejohen shumë gjera nga ato që ndodhin kështu.”, tha Rama.
