Ish-deputeti i Partisë Demokratike, Genc Pollo, ka reaguar përmes një postimi në rrjetet sociale lidhur me tensionet që shoqëruan seancën e sotme plenare në Kuvend.
Në postimin e tij në Facebook, Pollo ka shpërndarë një foto nga momentet e tensionuara në sallën e Kuvendit dhe ka ngritur disa pyetje ndaj mazhorancës dhe kryeministrit Edi Rama, të cilat sipas tij mbeten pa përgjigje.
Në përfundim të reagimit të tij, Genc Pollo thekson se pa normalizimin e shtetit dhe pa dhënë përgjigje për këto çështje, nuk mund të ketë normalitet as në sallën e Kuvendit dhe as në shesh.
Postimi i Genc Pollos:
1-Pse nuk dorëhiqet/shkarkohet Balluku?
2-Pse nuk jep Rama shpjegime për rolin e tij në tendera mbasi sms-të dosjes Balluku e implikojnë në “shkelje të barazisë në tenderat publikë”.
3-Pse nuk jep sqarime Rama për këshilltarin e tij Agasi i shpallur person në kërkim nga Spak/GjyKKO?
Pa normalizuar shtetin me sa më lart nuk lipset të ketë normalitet në sallë e në shesh!
