Një aksident i 4-fishtë u shënua mëngjesin e sotëm në rrugën nacionale Maqellarë–Peshkopi, në vendin e quajtur “Grevë”.
Si pasojë e përplasjes, njëri nga drejtuesit dhe një pasagjere kanë marrë lëndime dhe po marrin ndihmë mjekësore në spital ku ndodhen jashtë rrezikut për jetën.
Dyshohet se shkak i aksidentit është lagështira në rrugë.
“Rreth orës 08:40, në aksin rrugor Maqellarë–Peshkopi, dyshohet se si pasojë e lagështirës në rrugë, janë përplasur katër automjete me drejtues shtetasit U.L., F.P., I.R. dhe H.H.
Si pasojë e përplasjes, është lënduar njëri nga drejtuesit, shtetasi H.H., si edhe një pasagjere, shtetasja I.L. Të dy po marrin ndihmë mjekësore në spital dhe ndodhen jashtë rrezikut për jetën.”– njofton policia.
Grupi hetimor ndodhet në vendngjarje dhe po kryen veprimet hetimore për sqarimin e plotë të rrethanave të aksidentit.
