Ish-kandidati për deputet i listës së hapur të Partisë Demokratike në qarkun e Tiranës, Ilir Alimehmeti, zhvilloi një takim me strukturat e PD në Durrës, ku theksoi nevojën për ndryshim politik dhe për bashkim të së djathtës.
Në fjalën e tij, Alimehmeti u ndal te projektet e qeverisë, duke përmendur tunelin e Llogarasë. Ai deklaroi se ministrja Belinda Balluku “me një të rënë të lapsit merr 50 milionë euro nga ky projekt” dhe shtoi se ende nuk dihet nëse tuneli është i sigurt.
Duke folur për situatën politike, Alimehmeti u shpreh se “sa më shpejt ta heqim këtë qeveri, aq më mirë për Shqipërinë, dhe këtë e bën vetëm e djathta që vë interesin e vendit para interesit të partisë.”
Alimehmeti tha se kjo është një frymë për të bashkuar demokratët, për të krijuar një PD sa më të fortë.
“Ju e kuptuat se kjo është një frymë për të bashkuar të gjithë për ti diskutuar dhe për të bërë më të mirën e mundshme.
Ne duhet të kuptojmë se si duhet të përmirësohemi, duhet të kuptojmë se këtu nuk kemi vetëm korrupsion financiar nga Qeveria e Edi Ramës, por kemi edhe korrupsion moral”.
Ne dimë që Balluku me një të rënë të lapsit merr 50 mln euro nga tuneli I llogarasë dhe nuk e dimë nëse është I sigurtë.
Sa më shpejt ta heqim këtë qeveri dhe këtë e bën vetëm e djathta që vë interesin e shqipërisë para partisë.
Duhet të flasim me votuesit.” tha Alimehmeti.
