Gazetari Bledian Koka komentoi në News24 pezullimin nga detyra të zv.kryeministres Belinda Balluku, me urdhër të GJKKO, duke e cilësuar atë si “kurbani” i radhës i kryeministrit Edi Rama.
Sipas Kokës, mënyra se si Balluku komunikoi pas vendimit i ngjante një fjalimi dorëheqjeje, ndërsa përdorimi i disa termave iu duk “komunikim mafioz”.
Ai shtoi se SPAK nuk do të ishte i Ramës nëse do të vepronte edhe ndaj kryeministrit, duke kujtuar rastet e mëparshme të Saimir Tahirit, Arben Ahmetajt, Alqi Bllakos dhe Lefter Kokës, të cilët sipas tij u bënë “kurbane të regjimit”.
Koka përmendi edhe përplasjen e fundit në parlament mes deputetit Agron Shehaj dhe Belinda Ballukut, duke e cilësuar më shumë si një “shtirje” sesa një konflikt real. “Nga ajo përplasje Balluku gjeti një rrugëdalje për të mos mbajtur fjalën,” tha ai.
Koka: “Mu duk si fillimi i një fjalimi të një dorëheqje. Pastaj komunikimi mafioz, se e ka bërë Edi Rama por ka problemet e veta. Disa terma që për mua nuk ishin normale.
SPAK nuk do ishte i Ramës nëse do ishte bashkë me Belinda Ballukun edhe Edi Rama. Kështu thamë dhe për Ahmetaj atëherë apo Saimir Tahirin.
Faji i Tahiirt ishte kanabizimi i vendit, që skishte lidhje fare me Tahiirn. Janë shërbëtorë të regjimit, që kanë vendosur të bëhen kurban. Tahiri kurbani i parë, pastaj Alqi Bllako, Lefter Koka. E nisi të tretin duke bërë kurban Ahmetaj, pastaj e mbylli duke bërë kurban Erion Veliajn. Tani e nisi të katërtin duke bërë kurban Belinda Balluku.”
“Në pamje dukej si një sherr serioz. Më duket se nga ajo përplasje Balluku gjeti një rrigëdalje për të mos mbajtur fjalën. Nuk mendoj se zoti Shehaj nuk ka fuqi zhurmëbërëse më shumë se PD.
Mu duk si mënyrë shpëtimi ajo që bëri zoti Shehaj. Pas atij konflikti u përjashtua zoti Shehaj dhe zonja Balluku nuk foli më. Edhe protesta e sotme e menjëhershme, pyetja është për çfarë duhet?”
