Reshjet e shiut në qarkun e Kukësit kanë shkaktuar dëmtime në infrastrukturën rrugore dhe rënie gurësh në disa zona.
Sipas Emergjencave Civile, në Ujmisht janë regjistruar rënie gurësh dhe inertesh në rrugët e Lusës, Malqenës, Tejdrinës dhe Zapodit. Era e fortë ka dëmtuar gjithashtu mbulesën e një çatije në shkollën e fshatit Bele.
Në Kolsh, vërshimet kanë prekur rrugët e fshatrave Myç-Mamëz dhe Mamëz, në aksin rrugor Kukës-Surroj.
Në Tropojë, disa ura kanë pësuar dëmtime në këmbët mbajtëse dhe shtrojën e tyre, si pasojë e prurjeve të ujit dhe amortizimit të infrastrukturës.
