Drejtuesi i mjetit, që përplasi për vdekje 2-vjeçaren në Rrogozhinë, ka rënë në prangat e policisë.
Aksidenti tragjik ndodhi dje rreth orës 13:55, në lagjen nr. 2, Rrogozhinë, ku shtetasi F. Xh., 24 vjeç, goditi me automjet gjatë kthimit të automjetit për në rrugën e lagjes një të mitur 2-vjeçare, e cila ka ndërruar jetë.
Njoftimi i policisë
Në vijim të informacionit paraprak të dhënë ditën e djeshme, ku automjeti me drejtues shtetasin F. Xh., 24 vjeç, ka goditur një 2-vjeçare, e cila si pasojë ka humbur jetën, informojmë se:
Specialistët e Qarkullimit Rrugor arrestuan në flagrancë 24-vjeçarin, për veprën penale “Shkelja e rregullave të qarkullimit rrugor”, me pasojë vdekjen.
