Kryeministri Edi Rama ka ftuar ministren e re të Shëndetësisë, Evis Sala, në podkastin e tij “Flasim”, ku nuk ka kursyer komentet ironike për gjuhën shqipe të ministres.
Në nisje të bisedës, Rama e përshkroi si një profesioniste me karrierë ndërkombëtare prej afro 30 vitesh, duke i thënë: “Karriera jote është shumë e gjatë, si fjalimet e mia”.
Megjithatë, pasi e lavdëroi, Rama nuk ngurroi të nënvizojë edhe dobësitë e saj: “Duhet të bësh stërvitje me shqipen këtë periudhë”, tha ai me ironi, sikur të ishte mësuesi i gjuhës shqipe për ministren e re.
Ministrja Sala theksoi se përvoja e saj e bën të gatshme për sfidat në qeveri, ndërsa Rama duket se nuk ka ndërmend të ndalojë vëzhgimin e shprehjeve të saj në shqip.
