Një 38-vjeçar nga Fierit, Milasim Ramaj, u arrestua pas një denoncimi të bërë nga gazetarë të emisionit investigativ “Piranjat”.
Ai akuzohet se kishte ngritur një bazë armësh në lagjen “Kastriot”, ku mbante dhe tregtonte armë e municione për persona me precedent penal.
Ramaj u ndalua mbrëmjen e djeshme në qendër të Fierit, teksa lëvizte me automjet. Në makinë iu gjet një armë zjarri pistoletë pa leje dhe rreth 3,500 euro.
Pas kontrollit të banesës që ai përdorte si depo, u sekuestruan 13 armë zjarri, përfshirë 10 automatikë, pistoleta, silenciatorë, karikatorë dhe sasi të konsiderueshme fishekësh.
Sipas hetimeve të para, armët dyshohet se ishin destinuar për shitje te persona të përfshirë në aktivitete kriminale.
