Komandanti i Gardës së Republikës Simon Zereci ka mbërritur mëngjesin e së premtes në ambientet e GJKKO, ku ka zhvilluar një takim dhe inspektime me kryetarin e Gjykatës Erion Bani për gjendjen e sigurisë.
Një ditë më parë, Bani në mbledhjen e përgjithshme të gjyqtarëve kërkoi inspektime në të gjitha ambientet e gjykatave. Ai deklaroi se duhen evidentuar të gjitha problematikat deri tek pyetja e gjyqtarëve dhe stafit të gjykatave për çdo shqetësim apo problematikë që mund të hasin gjatë ushtrimit të funksioneve.
Mesa duket, u desh një ngjarje tragjike si vrasja e gjyqtarit Astrit Kalaja që institucionet të zgjoheshin nga gjumi letargjik. Por si gjithmonë, do punohet në fillim dhe pasi ngjarja tragjike të fillojë të zbehet do harrohet sërish e do fillojmë edhe njëherë nga gjumi letargjik.
