Policia serbe ka arrestuar një shtetas shqiptar, në pikën kufitare në merdare.
Zëvendëskryeministri i Serbisë, Ivica Daçiç ka bërë me dije se 53-vjeçari është vënë në pranga, pasi gjatë kontrollit të furgonit ‘Mercedes’ janë gjetur pesë çanta ku ndodheshin 22 bluza, 244 flamuj dhe 86 kapele me mbishkrimin UÇK, 65 bluza sportive me figurën e Agim Ramadanit, 58 shalla me stemën e Shqipërisë, si dhe 92 “plisa”.
Për momentin, në Serbi dyshojnë se sendet e sipër-përmendura do të përdoreshin në sfidën Serbi-Shqipëri, e programuar të luhet në Leskovac këtë të shtunë.
Më saktësisht, shtetasi shqiptar është vendosur në pranga për kryerjen e veprës penale të “nxitjes së urrejtjes dhe intolerancës kombëtare, racore dhe fetare”.
