Dy persona janë arrestuar në Tiranë për shitje dhe blerje kokaine.
Në rrugën “Anton Lufi”, policia ka arrestuar në flagrancë shtetasin A. A., 29 vjeç, i cili po i shiste një sasi kokaine shtetasit S. Xh., 29 vjeç. Ky i fundit rezultoi se kishte thyer masën e sigurisë “Arrest në shtëpi”, e cila i ishte caktuar për veprën penale “Prodhimi dhe shitja e narkotikëve”.
Gjatë kontrollit fizik dhe në banesën e shtetasit A. A., uniformat blu sekuestruan një sasi të lëndës narkotike kokainë, një shumë parash të dyshuar si të përfituara nga shitja e saj, një peshore elektronike dhe sende të tjera të kundërligjshme.
Të dy të arrestuarit janë ndaluar dhe materialet i janë referuar Prokurorisë për hetime të mëtejshme.
