Kryedemokrati Sali Berisha, në një konferencë për shtyp, u shpreh se Edi Ramës i është arratisur njeriu më i afërt, Endri Fuga, sepse, sipas tij, kërkohet nga SPAK-u.
“A dini gjë për atë Fugën ju? Keni ndonjë ide se ku është ai njeri? Se kërkohet nga Skapi. Sipas disa të dhënave, ai duhej të ishte me Velinë aty. Imagjinoni tani, Edi Ramës i arratiset, i zhduket, njeriu më i afërt i tij”, tha Berisha.
“Se në qoftë se ka pasur një njeri të afërt, ai ishte Endri Fuga. Ku është ai? Po menaxhon paratë e Edi Ramës në dhera të largëta? Ka ikur nga Skapi? Ç’është kjo errësirë”, shtoi Berisha
