IKMT është rikthyer sërish në Theth, ku fadromat kanë shembur 8 objekte të tjera pa leje, kryesisht bujtina dhe ndërtime të ngritura nga familjet vendase që jetojnë nga turizmi.
Ky është aksioni i dytë në këtë zonë, pas atij të korrikut, kur u shkatërruan rreth 70 ndërtime të tjera.
Thethi, i shpallur Park Kombëtar dhe një prej destinacioneve më të njohura turistike të veriut, prej kohësh është nën lupën e autoriteteve për ndërtime pa leje. Por banorët kanë akuzuar qeverinë për hipokrizi, duke u shprehur se shteti që i ftoti të investonin tani po ju shaktërron mundin e shuml viteve.
Ndërkohë, Kryeministri Edi Rama është shprehur se nuk bëhet fjalë për banorët e zonës, por për individë që ndërtojnë për fitime. Por fjalët e tij bien ndesh me realitetin në Theth, ku janë shembur kryesisht bujtina familjare.
LEXO EDHE:
Fadromat e Ramës nisin rrafshimin e Valbonës, banorët mes lotësh: Po na lenë pa bukë!
