Andrea Korriku 22-vjeç i shpallur në kërkim nga Policia e Kurbinit është arrestuar, pasi Gjykata e Lezhës kishte caktuar ndaj tij masën e arrestit me burg.
Sipas njoftimit të policisë, në muajin dhjetor 2024, i riu po qarkullonte me automjet dhe mbante armë zjarri, që dyshohet se do e përdorte për ngjarje kriminale. Kur pa shërbimet e Policisë, ai braktisi automjetin.
Policia gjeti në automjetin e braktisur një armë zjarri pushkë me fishekë dhe një sasi fishekësh pistolete.
“Shërbimet e Komisariatit të Policisë Kurbin, bazuar në informacionet e siguruara në rrugë operative, lokalizuan, kapën dhe vunë në pranga shtetasin:
-A. K., 22 vjeç, banues në Mamurras.
Ky shtetas ishte shpallur në kërkim, pasi Gjykata e Lezhës i ka caktuar masën e sigurisë “Arrest në burg”, në vijim të hetimeve të kryera në kuadër të operacionit të koduar “Parandalimi”, i zhvilluar në muajin dhjetor 2024.”, njofton policia.
