Një shqiptar 41-vjeçar u arrestua në Itali, pasi dyshohet të ketë qenë pjesë e një rrjeti të trafikut të drogës në zonën e Sienës. Ai ishte në arrest shtëpiak, por e kishte thyer vendimin për të vazhduar aktivitetin kriminal.
Hetuesit e kapën duke gropuar kokainën në pyllin pranë San Gimignanos. Droga ishte fshehur në kavanoza qelqi dhe e mbrojtur me oriz për të shmangur lagështinë. Një pjesë e drogës ishte vendosur edhe brenda një pakete çamçakëzi. Totali i drogës së sekuestruar arrinte mbi 180 gramë, me vlerë tregu mbi 10 mijë euro.
Përveç drogës, në shtëpinë e tij në Poggibonsi u gjetën mbi 6,600 euro, të dyshuara si të ardhura nga aktiviteti kriminal.
Hetuesit theksuan se 41-vjeçari ishte i skeduar më parë për drogë dhe tani është rikthyer në qelitë e burgut, ndërsa hetimet për rrjetin e trafikut vazhdojnë.
