Një aksident automobilistik është regjistruar këtë të diel në Maltë, ku një furgon tip “Toyota Dyna” ka përplasur një 36-vjeçar me origjinë shqiptare.
Sipas mediave të huaja, rrethanat e ngjarjes mbeten ende të paqarta. I riu shqiptar ka pësuar dëmtime dhe është transportuar me urgjencë në spital për të marrë ndihmë mjekësore.
Ndërkohë, shoferi i furgonit është shoqëruar nga policia për veprime të mëtejshme procedurale, ndërsa autoritetet kanë nisur hetimet për zbardhjen e plotë të shkaqeve të aksidentit.
