Teksa Partia Demokratike ka çuar në Gjykatën Kushtetuese dy padi, njëra për rregulloren e Kuvendit dhe tjetra për Diellën, ka ardhur edhe reagimi i menjëhershëm nga maxhoranca.
Kryeparlamentari Niko Peleshi ka thirrur në një takim krerët e grupeve parlamentare, konkretisht, Taulant Ballën, Gazment Bardhin, Tedi Blushin dhe Fatmir Mediun.
Partia Demokratike depozitoi ditën e sotme në Gjykatën Kushtetuese kërkesën për shfuqizimin, si të papajtueshme me Kushtetutën, të ndryshimeve të njëanshme të mazhorancës në Rregulloren e Kuvendit.
Gjithashtu, në një padi të dytë, Grupi Parlamentar i Partisë Demokratike i kërkon Gjykatës shfuqizimin, si antikushtetues, të dekretit të Presidentit për “ngritjen dhe funksionimin e Ministrit Virtual të Inteligjencës Artificiale Diella”.
