Në Prokurorinë e Posaçme, SPAK, nuk ka mbërritur asnjë kërkesë nga ana e kryetarit të Bashkisë së Tiranës, Erion Veliaj, për të marrë pjesë në mbledhjen e Këshillit Bashkiak.
Kështu shprehet ky organ në përgjigje të interesimit nga ana e Klan News, për të mësuar nëse kryebashkiaku ka kërkuar ose jo për të qenë i pranishëm në mbledhjen që ku do të shqyrtohet dhe votohet shkarkimi i tij nga detyra.
“Në përgjigje të kërkesës suaj të mbërritur më datë 22.9.2025, ju informojmë se deri tani, në Prokurorinë e Posaçme kundër Korrupsionit dhe Krimit të Organizuar nuk është paraqitur asnjë kërkesë e tillë”, thuhet në përgjigjen e SPAK.
Më herët, Drejtoria e Përgjithshme e Burgjeve kishte konfirmuar gjithashtu se nuk është dorëzuar asnjë kërkesë për leje të veçantë, që do t’i mundësonte Veliajt të marrë pjesë në mbledhje. Sipas procedurave ligjore, për personat në paraburgim, është prokurori i çështjes ai që jep miratimin fillestar, për lëvizje jashtë institucionit.
Mbledhja e Këshillit Bashkiak do të mbahet di të martën, 23 shtator, në orën 16:00.
