Një kthesë e papritur është shënuar në rastin e grabitjes së përgjakshme të një 25-vjeçareje ukrainase, që ndodhi të premten e kaluar në Halkidiki të Greqisë.
Ndërsa fillimisht, një i arratisur shqiptar nga burgu i hapur Kasandrës, Ylli Shkalla, 27 vjeç, u konsiderua si i dyshuari kryesor, analiza e gjurmëve të gishtërinjve zbuloi në fund se ai nuk ishte i përfshirë në këtë rast.
Prandaj, hetimi policor për të identifikuar dhe arrestuar autorin e krimit po fillon nga e para. Paralelisht edhe kërkimet për kapjen e shqiptarit, por jo për grabitjen e dhunshme, por për arratisjen, informon “Protothema”.
Grabitja e 25-vjeçares ndodhi brenda një banese me qira në zonën e Kypsës, në Kassandra të Halkidikisë.
Sipas informacioneve, gjithçka ndodhi afërsisht në orën 05:00 të pasdites së të premtes së kaluar, kur autori hyri me forcë në banesën ku po qëndronte 25-vjeçarja dhe pasi e goditi me thikë, i mori telefonin celular dhe 2000 euro.
Menjëherë pas kësaj, autori u largua, ndërsa e plagosura me origjinë nga Ukraina, u transportua me ambulancë të EKAB në spital.
