Një 51-vjeçar është arrestuar ditën e sotme në Durrës, pasi dyshohet se ka ushtruar dhunë ndaj bashkëshortes së tij.
Po ashtu, tre persona të tjerë janë proceduar penalish në gjendje të lirë:
K. B., 19 vjeç, banues në Durrës, për përdorim të paligjshëm të faqeve të basteve sportive;
E. M., 56 vjeç, dhe B. M., 35 vjeç, të dy banues në Durrës, për dhunë fizike ndaj shtetasit L. H., 49 vjeç, gjatë një konflikti për motive të dobëta.
Ndërkohë, shtetasi M. K., 85 vjeç, ka denoncuar në polici humbjen e kontaktit me djalin e tij, A. K., 49 vjeç, që daton nga 21 prilli 2024.
“Durrës Specialistët për Hetimin e Krimeve të Komisariatit të Policisë Durrës arrestuan në flagrancë shtetasin P. V., 51 vjeç, banues në Arapaj, Durrës, pasi dyshohet se ka ushtruar dhunë ndaj bashkëshortes së tij. Gjithashtu, u referuan materialet në Prokurori, ku nisi procedimi në gjendje të lirë për shtetasit: K. B., 19 vjeç, banues në Durrës, pasi gjatë këqyrjes së celularit të tij, u konstatua e hapur një faqe për baste sportive; E. M., 56 vjeç, dhe B. M., 35 vjeç, të dy banues në Durrës, pasi gjatë një konflikti për motive të dobëta, kanë goditur me grushte shtetasin L. H., 49 vjeç, banues në Durrës.
Në Komisariatin e Policisë Durrës është paraqitur shtetasi M. K., 85 vjeç, banues në Durrës, i cili ka kallëzuar se më datë 21.04.2024, ka humbur kontaktet me djalin e tij, shtetasin A. K., 49 vjeç. Punohet për gjetjen e tij. Materialet u referuan në Prokurorinë pranë Gjykatës së Shkallës së Parë Durrës, për veprime të mëtejshme procedurale.”, njofton policia.
