Qytetarë nga Kosova dhe diaspora janë mbledhur ditën e sotme para selisë së Gjykatës Speciale në Hagë, në një protestë në mbështetje të ish-krerëve të Ushtrisë Çlirimtare të Kosovës, të cilët aktualisht po mbahen në paraburgim.
Protesta vjen vetëm një ditë para nisjes së fazës së re të procesit gjyqësor dhe pritet të përfshijë pjesëmarrjen e familjarëve, qytetarëve dhe përfaqësuesve të shoqatave që kanë dalë nga lufta, të cilët kërkojnë një proces të drejtë dhe të paanshëm.
Të hënën, pala mbrojtëse do të fillojë paraqitjen e dëshmitarëve, mes të cilëve pritet të jetë edhe James Rubin, ish-ndihmës sekretar i Shtetit amerikan, i njohur për rolin e tij diplomatik gjatë luftës në Kosovë.
Ish-krerët e UÇK-së kanë mohuar akuzat, duke i cilësuar ato si politike dhe të padrejta, ndërsa mbështetësit e tyre kanë kërkuar vazhdimisht transparencë dhe drejtësi në procesin gjyqësor.
