Deputetët po votojnë në mënyrë të fshehtë për të zgjedhur Kryetarin e Kuvendit.
Partia Socialiste, që fitoi zgjedhjet parlamentare të 11 majit, propozoi emrin e Niko Peleshit.
Gazment Bardhi ka reaguar ashpër ndaj shumicës parlamentare në momentin kur u propozua emri i Niko Peleshit për Kryetarin e ri të Kuvendit duke u shprehur “si të ulësh Klodian Zoton”.
Bardhi deklaroi se shumica aktuale nuk ka legjitimitetin moral e politik për të zgjedhur një Kryetar Kuvendi, duke e konsideruar të papranueshëm propozimin e mazhorancës.
“Kjo shumicë nuk ka legjitimitetin për të zgjedhur kryetar i Kuvendit, aq më tepër sikur të ulësh në karrigen e kryetarin e Kuvendit Klodian Zoton. Me këtë propozim që ju po bëni thjesht po na tregoni që filozofia juaj është vjedhje dhe krim”, tha Bardhi.
Fadil Nasul, Bledi Çomo, Saimir Hasalla do të jenë anëtarët e komisionit që do të zgjedhë kryetarin e Kuvendit.
